چوار شەممە, 23 تەمموز 2014 03:00

نه‌ته‌وه‌ یه‌كگرتووه‌كان هه‌نگاو بۆ دروستكردنی شوێنی حه‌وانه‌وه‌ی شیاو بۆ ئاواره‌ ناوخۆییه‌كان له‌ پارێزگای سلێمانی ده‌نێت

سلێمانی، ٢٣ی ته‌موزی ٢٠١٤:- جێگری نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق و هه‌ماهه‌نگسازی نشینگه‌ و مرۆیی ، د. جاكلین بادكۆك، سه‌ردانێكی دوو رۆژی بۆ پارێزگای سلێمانی ئه‌نجامدا بۆ هه‌ڵسه‌نگاندنی دروستكردنی په‌ناگه‌یه‌ك له‌ شاری چه‌مچه‌ماڵ كه‌ زیاتر له‌ ١٥٠٠ خانه‌واده‌ی ئاواره‌ له‌خۆگرتووه‌.

 

دوای سه‌ردانكردنی یه‌كێك له‌ شوێنه‌ حه‌وانه‌وه‌ كاتییه‌كان، د. بادكۆك دانی به‌وه‌نا كه‌ توانای حكومه‌تی عیراق و حكومه‌تی هه‌رێمی كوردستان بۆ به‌هاناوه‌چوونی خێرا و رێكوپێك بۆ پێویستییه‌ به‌په‌له‌كانی ئاواره‌كان له‌ ئاستی پێویستدا نییه‌. ئه‌و وتی "چونكه‌ پێشتریش چه‌ندان كۆمه‌ڵگا له‌ هه‌ژاریدا ده‌ژیان و سه‌رچاوه‌یه‌كی وایان نه‌بوو كه‌ بتوانن له‌گه‌ڵ په‌كخستنی ئابووری و ده‌ربه‌ده‌ریدا هه‌ڵبكه‌ن. به‌ڵام به‌هۆی به‌خشنده‌یی كۆمه‌كبه‌خشان، وه‌ك  عه‌ره‌بستانی سعودی، نه‌ته‌وه‌ یه‌كگرتووه‌كان توانی، به‌ هه‌ماهه‌نگی چڕوپڕ له‌گه‌ڵ حكومه‌تی‌ لۆكاڵی و هه‌رێمی، توانی ئاوڕ له‌ ژیانی دژواری ئاواره‌ ناوخۆییه‌كان بداته‌وه‌ له‌گه‌ڵ تاوتوێكردنی ئه‌و ئه‌ركه‌ی خستوویانه‌ته‌ سه‌ر ئه‌و كۆمه‌ڵگا خانه‌خوێیانه‌ی كه‌ یارمه‌تییان ده‌ده‌ن".  

ئه‌و زیاتر وتی "نه‌ته‌وه‌ یه‌كگرتووه‌كان زۆر زۆر سوپاسگوزاری حكومه‌ت و خه‌ڵكی سلێمانی یه‌ بۆ گرتنه‌خۆی فروانی هه‌زاران ئاواره‌ی ناوخۆیی كه‌ شه‌ڕی به‌رده‌وامی گرووپه‌ چه‌كداره‌كان ناچاری كردوون ماڵوحاڵی خۆیان له‌ پارێزگای نه‌ینه‌وادا جێبهێڵن. نه‌ته‌وه‌ یه‌كگرتووه‌كان ، به‌هاوبه‌شكاری له‌گه‌ڵ ده‌سه‌ڵاته‌كان و رێكخراوه‌ ناحكومیه‌كاندا، هه‌نگاو بۆ دۆزینه‌وه‌ی چاره‌سه‌رێكی شیاو ده‌نێت بۆ پرسی ئاواره‌كان له‌شێوه‌ی دروستكردنی شوێنی حه‌وانه‌وه‌ی كاتی كه‌ تێیدا بتواندرێت حه‌وانه‌وه‌ و ئاسایش و خزمه‌تگوزارییه‌ بنه‌ڕه‌تییه‌كان و هاتوچۆی ئازاد و كه‌شێكی ئاشتیانه‌ له‌گه‌ڵ خه‌ڵكه‌ خانه‌خوێیه‌كاندا بۆ ئه‌و خه‌ڵكه‌ ده‌ربه‌ده‌ره‌ دابین بكرێت".  

 

© 2019 United Nations Iraq. هەموو مافەکانى پارێزراوە.