یەک شەممە, 24 تشرینی دووەم 2013 03:00

به‌ڕێوه‌به‌ری گشتی نیگه‌رانی خۆی سه‌باره‌ت به‌ سه‌لامه‌تیی راگه‌یاندکاران له‌ عیراق دەربڕی، دوای كوشتنی وێنه‌گر عه‌لا ئێدوار

ئه‌مڕۆ به‌ڕێوه‌به‌ری گشتیی یونیسكۆ ، ئیرینا بۆكۆڤا، نیگه‌رانی خۆی سه‌باره‌ت به كوشتنی وێنه‌گر  عه‌لا ئێدوار ده‌ربڕی له‌ نه‌ینه‌وای باكوری عیراق له‌ ٢٤ی كانونی یه‌كه‌م و داوای گرتنه‌به‌ری رێوشوێنیشی كرد بۆ باشكردنی سه‌لامه‌تیی كاركه‌رانی راگه‌یاندن له‌ وڵاتدا.

 

ئه‌و وتی "من كوشتنی عه‌لا ئیدوار شه‌رمه‌زار ده‌كه‌م. ترس و توندوتیژی بۆ پێشگرتن له‌ به‌ده‌ستهێنانی هه‌واڵ به‌كار دێت. بۆیه‌ حكومه‌ت پێویسته‌ چی له‌ ده‌ستیان دێت بیكه‌ن بۆ په‌لكێشكردنی تاوانبارنی ئه‌و كوشتنه‌ بۆ به‌رده‌م دادگا".   

عه‌لا ئیدواردی ته‌مه‌ن ٤١ ساڵه‌ وازی له‌ كاره‌كه‌ی وه‌ك وێنه‌گر له‌ ته‌له‌فزیۆنی ئه‌لغه‌دی نه‌ینه‌وا هێنا دوای ئه‌وه‌ی هه‌ڕه‌شه‌ی كوشتنی لێكرا ئه‌گه‌ر له‌ كاره‌كه‌ی به‌رده‌وام بێت. عه‌لا له‌لایه‌ن چه‌ند چه‌كدارێكی نه‌ناسراوه‌وه‌ له‌ نزیك ماڵه‌كه‌ی خۆی له‌ باكوری موسڵ كوژرا.  

له‌ ٥ ساڵی رابردوودا ٢٣ رۆژنامه‌نووس كوژراون به‌ "عه‌لا"شه‌وه‌. بۆیه‌ ده‌سه‌ڵاتداران پێویسته‌ لێكۆڵینه‌وه‌ له‌م كوشتنانه‌ بكه‌ن. راپۆرتی به‌رپرسی گشتیی یونیسكۆ ، كه‌ هه‌ر ٢ ساڵ جارێك ده‌رده‌چێت، باسی ئه‌و تاوانانه‌ ده‌كات كه‌ دژی رۆژنامه‌نوسان و كه‌مینه‌نه‌ته‌وه‌كان ئه‌نجام ده‌درێن له‌گه‌ڵ خستنه‌رووی مه‌ترسی له‌سزابه‌ده‌ربوون و له‌ساڵی ٢٠٠٨یشه‌وه‌ بووه‌ته‌ به‌شێك له‌ به‌رنامه‌ی جیهانیی  یونیسكۆ بۆ گه‌شه‌پێدانی په‌یوه‌ندی و دواییش پێشكه‌ش به‌ ئه‌نجومه‌نی ناوحكومی ده‌كرێت كه‌ له‌ "به‌رنامه‌"كه‌ به‌رپرسه‌.  

 

© 2019 United Nations Iraq. هەموو مافەکانى پارێزراوە.