ئەم پەڕەیە چاپ بکە
یەک شەممە, 07 ئەیلول 2014 09:02

نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان داوای به‌په‌له‌ پێكهێنانی حكومه‌ت ده‌كات به‌و پێیه‌ی بۆ پشتگیریكردنی عیراق كۆمه‌ڵگه‌ی نێوده‌وڵه‌تی له‌دۆخی ئاماده‌باشیدایه‌

به‌غداد، ٥ی ئه‌یلولی ٢٠١٤:-  له‌كاتێكدا پرۆسه‌ی پێكهێنانی حكومه‌ت له‌ عیراق خه‌ریكه‌ له‌ دواواده‌ ده‌ستوورییه‌كه‌ی نزیك ده‌بێته‌وه‌، نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق نیكولای ملادینۆڤ هانی هه‌موو پارته‌ سیاسییه‌كان ده‌دات بۆ به‌ره‌وپێشچوون به‌ گیانی چاره‌سه‌رانه‌ له‌ به‌په‌له‌ كۆتاییهێنان به‌ گفتوگۆیه‌كان سه‌باره‌ت به‌ به‌رنامه‌  وتیمی حكومه‌ت. 

 

به‌رێز ملادینۆڤ له‌مباره‌وه‌ وتی "من هانی سه‌رجه‌م سه‌ركرده‌ سیاسییه‌كان ده‌ده‌م بۆ كۆتاییهێنان به‌ پێكهێنانی حكومه‌ت له‌ چوارچێوه‌ كاتبه‌ندییه‌ ده‌ستووریه‌كه‌یدا و هه‌روه‌ها بۆ دڵنیابوونیش له‌ به‌شدرایپێكردنی ژنان و كه‌مینه‌نه‌ته‌وه‌كان له‌ كابینه‌ی تازه‌دا. له‌ راستیدا، پێكهێنانی كابینه‌ی تازه‌ به‌شێوه‌یه‌كی گشتگرانه‌ كه‌ بتوانێت پشتگیریی نێوده‌وه‌ڵتی بۆ خۆی مسۆگه‌ر بكات بۆ ئاینده‌ی وڵات زۆر گرنگه‌".

ئه‌و هه‌روه‌ها وتیشی " هه‌رگیز بێ هه‌بوونی  ئێداره‌یه‌كی تازه، كه‌ بتوانێت ببێته‌ مایه‌ی یه‌كڕیزیی وڵات و به‌رده‌وامبوونی پشتگیریی نێوده‌وڵه‌تی له‌ هه‌مبه‌ر هه‌ڕه‌شه‌كانی داعش  (ده‌وه‌ڵه‌تی ئیسلامی له‌ عیراق و شام)"، هیچ كێشه‌یه‌كی ئاسایشی و سیاسی و كۆمه‌ڵایه‌تی، كه‌ به‌رۆكی وڵاتیان گرتووه‌، چاره‌سه‌ر نابێت.  

ئه‌و زیاتر وتیشی "له‌ ئێستادا جیهان سه‌یری بارودۆخی عیراق ده‌كات و بۆ پشتگیریی راسته‌وخۆ له‌ هه‌وڵه‌كانی حكومه‌تی تازه‌ له‌ روبه‌ڕوبونه‌وه‌ی ئه‌و هه‌ره‌شنای كه‌ خۆیان مه‌ڵاس داوه‌" ئاماده‌یه‌.