پێنج شەممە, 29 کانونی دووەم 2015 13:22

ڕێکخراوی نەتەوە یەکگرتووەکان داوای لێکۆڵینەوە لە کۆمەڵکوژییەکەی پارێزگای دیالە دەکات

بەغدا، ٢٩/کانوونی دووەم/٢٠١٥ – نوێنەری تایبەتی سکرتێری گشتی نەتەوە یەکگرتووەکان بۆ هاریکاری عیراق، نیکۆلای ملادینۆڤ دەستخۆشی لە حکومەتی عیراق دەکات بۆ دەرکردنی بڕیاری لێکۆڵینەوەی چڕوپڕ سەبارەت بە دەنگۆی کۆمکوژی ژمارەیەک هاووڵاتی مەدەنی لەلایەن چەند گروپێکی چەکداروە لە گوندی بەروانە لە پارێزگای دیالە.

 

بەڕێز ملادینۆڤ هەروەها وتی: " لەڕاستیدا، ئەوە بەرپرسیارێتی حکومەتی عیراقە کە دڵنیا بێت لەوەی هەموو هێزە چەکدارەکان لە ژێر دەسەڵاتی خۆیدان و ڕێز لە سەروەری یاسا گیراوە و هاووڵاتیانی مەدەنیش لە سەرتاسەری عیراق پارێزراون بەو ناوچانەشەوە کە بەم دواییە لەچەنگ هێزەکانی داعش ڕزگارکراونەتەوە. هەر ئەگەر هەر کەسێک وەک تاوانبار لەم تاوانە دەستنیشان کرا ئەوا پێویستە بەگوێرەی یاسا دادگایی بکرێت." هەروەها باسی ئەوەشی کرد کە ئەو ئاوارانەی لەبەر مەترسیەکانی داعش ڕایانکردووە پێویستە بگەڕینەوە ماڵەکانی خۆیان و لەسەر پۆلیسی ناوچەکانیش پێویستە کە ژیان و سەروماڵی ئەو خەڵکانە بپارێزن بەگوێرەی ستاندەردە ناوەخۆیی و نێودەوڵەتیەکانی مافی مرۆڤ.  

 

© 2019 United Nations Iraq. هەموو مافەکانى پارێزراوە.