پێنج شەممە, 16 تەمموز 2015 03:00

نێردەی نەتەوە یەکگرتووەکان پیرۆزبایی هاتنی جەژنی ڕەمەزانی پیرۆز لە هاووڵاتییانی عیراقی دەکات

به‌غدا، ١٦ی تەمموز ٢٠١٥:- بەناوی ئاژانسەکانی نەتەوە یەکگرتووەکانەوە، نوێنه‌ری تایبه‌تی سكرتێری گشتیی نه‌ته‌وه‌ یه‌كگرتووه‌كان بۆ عیراق یان كوبیش پیرۆزبایی لە خەڵک و حکومەتی عیراقی دەکات بەبۆنەی هاتنی جەژنی ڕەمەزانی پیرۆز، کە لە هەمان کاتدا کۆتایی مانگی ڕەمەزانی پیرۆزیشە.

 

 به‌ڕێز كوبیش له‌مباره‌وه‌ وتی: " لەم جەژنەدا و لەم بارودۆخە نالەبارەدا، دڵ و گیانمان لەلای ئەو خەڵکە لێقەوماوانەیە کە بە ملیۆنان کەس لە ماڵ وحاڵی خۆیان و لەگوندەکانیان و لە شارەکانیان دەربەدەربوونە، بەهۆی ئەو لێشاوە توندوتیژییەی ڕووی لێ کردوون و ئەوانیش بۆ پاراستنی شەرەف و کەرامەتی خۆیان ڕایان کردووە." بەڕێز یان کوبیش هەروەها وتی:" لە ئەستۆی ئێمەدایە کە هاوکاری حکومەتی عیراق بکەین لە میانەی ئاسایی کردنەوەی ئەم بارودۆخە و یارمەتییان بدەین لەم بارودۆخە نالەبارەدا بۆ ئەوەی ئەو خەڵکە لێقەوماوانە بە ویستی خۆیان بگەڕێنەوە سەر ماڵ و حاڵی خۆیان و بە سەربەرزی بژین".

نێردەی نەتەوە یەکگرتووەکان هەروەها هیوای خواست کە "گیانی تەبایی و بەیەکەوە ژیان ئاسایش و بەرەوپێش چوون بۆ عیراق فەراهەم بکات و بە گیانی برایانە و لێبووردەیی و دادپەروەرانە لەگەڵ یەکتری مامەڵە بکەن". 

 

© 2019 United Nations Iraq. هەموو مافەکانى پارێزراوە.