چوار شەممە, 12 ئاب 2015 17:53

كۆنفرانسی "به‌تواناكردنی ژن بۆ روبه‌روبوونه‌وه‌ی كاریگه‌ریی تیرۆر"به‌ ١٢ راسپارده‌ی زۆر گرنگه‌وه‌ كۆتایی به‌ كاره‌كانی دێنێت

به‌غدادا،٥ی ئابی ٢٠١٥:- دوێنی كۆنفرانسی "به‌تواناكردنی ژن بۆ روبه‌روبوونه‌وه‌ی كاریگه‌ریی تیرۆر"، كه‌ بووه‌ مایه‌ی به‌یه‌كه‌وه‌ كۆكردنه‌وه‌ی چالاكوانانی مافه‌كانی ژنان و به‌رپرسانی حكومه‌ت و په‌رله‌مانتاران و رێكخراوه‌كانی كۆمه‌ڵگه‌ی مه‌ده‌نی و توێژه‌ران و ئه‌كادیمییان،  به‌ ده‌ركردنی ١٢

راسپارده‌ كۆتایی به‌ كاره‌كانی هێنا. هه‌ندێ له‌و راسپاردانه‌ش بریتی بوون له‌ (١) ته‌رخانكردنی گۆژمه‌یه‌ك و پشتگیریكردن له‌ جێبه‌جێكردنی "پلانی تایبه‌تیی ته‌نگه‌تاوی سه‌باره‌ت به‌ بڕیاری ژماره‌ ١٣٢٥ی ئه‌نجومه‌نی ئاسایش" كه‌ بارودۆخی ئێستای ژنان و كچان به‌هۆی شه‌ڕی داعش (ده‌وڵه‌تی ئیسلامی عیراق و شام )ه‌وه‌ به‌هه‌ند وه‌رده‌گرێت و (٢)  داواكردن له‌ حكومه‌ت بۆ راگه‌یاندنی رۆژی ١٥ی ئاب وه‌ك "رۆژی نیشتمانی بۆ كۆتاییهێنان به‌ توندوتیژیی سێكسی له‌شه‌ڕدا" و (٣) گه‌شه‌دان به‌ به‌رنامه‌كانی راگه‌یاندن بۆ په‌ره‌دان به‌ ئاشتی  و لێبورده‌یی كه‌لتوری بێتوندوتیژی و   ئاشته‌وایی نیشتمانی به‌مه‌به‌ستی به‌گژاچوونه‌وه‌ی بیروباوه‌ڕی توندڕه‌وی و (٤) داواكردنی كۆتا، كه‌ له‌ ٣٠٪ كه‌متر نه‌بێت،   بۆ نوێنه‌رایه‌تیی ژنان له‌ لێژنه‌كانی ئاشته‌وایی نیشتمانی و لێژنه‌كانی گفتوگۆ و پرۆسه‌ی چاره‌سه‌ركردنی شه‌ڕ. 

كۆنفرانسه‌كه‌ له‌ راگه‌یاندنه‌كه‌یدا پێكهێنانی لێژنه‌یه‌كیش بۆ ئه‌نجامدانی به‌دواداچوون بۆ جێبه‌جێكردنی راسپارده‌كان راده‌گه‌یه‌نێت. 

© 2019 United Nations Iraq. هەموو مافەکانى پارێزراوە.