شاری تكریت، سه‌لاحه‌دین، قه‌ڵای كه‌لتور و هونه‌ر، ٨ی ئایار: - نوسینگه‌ی مافی مرۆڤی یونامی له‌ تكریت ئاهه‌نگی به‌ ئه‌نجامدانی فیستیڤاڵی فیلمی مافی مرۆڤ و كه‌مینه‌كان گێڕا كه‌ تێیدا ٤٥ كه‌س، به‌ گرتنه‌خۆی به‌ڕێوه‌به‌ری پۆلیسی تكریت و نوێنه‌رانی وه‌زاره‌تی ده‌ره‌وه‌ و وه‌زاره‌تی ته‌ندروستی و ئه‌نجومه‌نی پارێزگا و پۆلیسی كۆمه‌ڵگایی تكریت و به‌شی پۆلیسی پاراستنی خێزان و منداڵان و رێكخراوه‌ ناحكومییه‌كان و مامۆستایانی زانكۆی تكریت و چالاكوانانی مافه‌كانی ژنان و رۆژنامه‌نووسان و داكۆكیكارانی مافه‌كانی مرۆڤ و ئه‌كته‌ر و ژه‌نیار و فیلمسازان، به‌شداربوون.

ئه‌لزوبێر، به‌سڕه‌، ٣٠ی نیسان:- نوسینگه‌ی مافی مرۆڤی یونامی و زیاتر له‌ ٤٠ ژن و پیاوی به‌ ره‌چه‌ڵه‌ك ئه‌فریقی و سه‌بائی و سوننه‌ و شیعه‌ و ئه‌فسه‌رانی پۆلیس و چالاكوانانی مافه‌كانی مرۆڤ و ئه‌ندامانی رێكخراوه‌كانی كۆمه‌ڵگه‌ی مه‌ده‌نی و هونه‌رمه‌ندان و گه‌نجان له‌ گه‌ڕه‌كی ئه‌لزوبێر ئاهه‌نگیان به‌ بۆنه‌ی فیستیڤاڵی فیلمی مافی كه‌مینه‌كان و مافه‌كانی مرۆڤ گێڕا. به‌شداربووان سه‌یری فیلمه‌كانی په‌یوه‌ست به‌ پرسه‌كانی مافه‌كانی مرۆڤیان كرد وه‌ك به‌شوودانی پێشوه‌خته‌ و مافی كه‌مینه‌كان و توندوتیژیی دژی ژنان و كچان و مافی ناسنامه‌ و كاریگه‌ریی گه‌نده‌ڵی له‌سه‌ر مافه‌كانی مرۆڤ و مافی ژیان.

زانكۆی ئه‌لعیراقییه‌، به‌غدا، ٢ی ئایار:- نوسینگه‌ی مافی مرۆڤی یونامی و زیاتر له‌ ١٠٠ ژن و پیاو له‌ قوتابیان و مامۆستایانی زانكۆی كۆلێژی هونه‌ری زانكۆی ئه‌لعیراقییه ‌ئاهه‌نگیان به‌ به‌ فیستیڤاڵی فیلمی كه‌مینه‌كان و مافه‌كانی مرۆڤ گێڕا له‌ به‌غدا.

مه‌ڵبه‌ندی كه‌لتوری كه‌ركوك ، شاری كه‌ركوك، ٣٠ی نیسانی ٢٠١٩:- ٧٥ ژن و پیاو له‌ پێكهاته‌كانی توركمان و كورد و عه‌ره‌ب و كریستان و كاكه‌یی و شیعه‌، به‌گرتنه‌خۆی كۆمه‌ڵگه‌ی مه‌ده‌نی و حكومه‌ت و گه‌نج و سه‌رۆك هۆز و پیاوانی ئاینی و داكۆكیكارانی مافه‌كانی مرۆڤ و مامۆستایانی زانكۆ و هونه‌رمه‌ندان و‌ فیلمسازانیشه‌وه‌، له‌ فیستیڤاڵه‌كه‌ی كه‌ركوكی نوسینگه‌ی مافی مرۆڤی یونامی به‌شداربوون.

هەڵەبجە، عێراق،‌٢٤ی نیسانی ٢٠١٩ – قوتابیانی کۆلێژی تەکنیکی هەڵەبجە، به‌شدارییان له‌ فیستیڤاڵی فیلمی ٣ *٣ كرد كه‌ له‌لایه‌ن نوسینگه‌ی مافی مرۆڤی یونامییه‌وه‌ رێكخرابوو. ئه‌م فیستیڤاڵه،‌ دوای ئه‌نجامدانی له‌ به‌غدا، به‌ نمایشكردنی ١٢ كورته‌ فیلم له‌ سه‌رتاسه‌ری عیراق درێژه‌ی ده‌بێت كه‌ باس له‌و ته‌حه‌ددیانه‌ ده‌كه‌ن كه‌ روبه‌رووی كه‌مینه‌ نه‌ته‌وه‌كان ده‌بنه‌وه‌ له‌ عیراق له‌گه‌ڵ باسكردنی پرسه‌كانی مافی مرۆڤ به‌شێوه‌یه‌كی به‌رفراوان. هه‌موو فیلمه‌كان له‌لایه‌ن عیراقییه‌كان خۆیانه‌وه‌ له‌سه‌رتاسه‌ری وڵاته‌كه‌ به‌رهه‌م هێنرابوون و هه‌ر یه‌كێكیشیان نوسه‌ر و ده‌رهێنه‌ر و كاراكته‌ره‌ سه‌ره‌كییه‌كی مێیینه‌ی هه‌بوو.

له‌ ٢٣ی نیسانی ٢٠١٩دا، نزیكه‌ی ١٠٠ قوتابیی، لە پەیمانگەی پۆلیتەکنیکی کەلار، به‌شدارییان له‌ فیستیڤاڵی فیلمی ٣ *٣ كرد كه‌ له‌لایه‌ن نوسینگه‌ی مافی مرۆڤی یونامییه‌وه‌ رێكخرابوو. ئه‌م فیستیڤاڵه،‌ دوای ئه‌نجامدانی له‌ به‌غدا، به‌ نمایشكردنی ١٢ كورته‌ فیلم له‌ سه‌رتاسه‌ری عیراق درێژه‌ی ده‌بێت كه‌ باس له‌و ته‌حه‌ددیانه‌ ده‌كه‌ن كه‌ روبه‌رووی كه‌مینه‌ نه‌ته‌وه‌كان ده‌بنه‌وه‌ له‌ عیراق له‌گه‌ڵ باسكردنی پرسه‌كانی مافی مرۆڤ به‌شێوه‌یه‌كی به‌رفراوان. هه‌موو فیلمه‌كان له‌لایه‌ن عیراقییه‌كان خۆیانه‌وه‌ له‌سه‌رتاسه‌ری وڵاته‌كه‌ به‌رهه‌م هێنرابوون و هه‌ر یه‌كێكیشیان نوسه‌ر و ده‌رهێنه‌ر و كاراكته‌ره‌ سه‌ره‌كییه‌كی مێیینه‌ی هه‌بوو.

کەمپی ئێسیان، دهۆک، عیراق، ٢٤ی نیسانی ٢٠١٩- ئەگەرچی هەرێمی کوردستان لە هەڵبژاردنی داهاتووی ئەنجومەنی پارێزگاکانی عیراق بەشداری ناکات، بەڵام ئەو هاوڵاتییانەی کە بەهۆی تیرۆر و شەڕەوە لە ناوچەکانی تری عیراقەوە ئاوارەی هەرێمی کوردستان بوون هەلێکیان دەبێت بۆ دەنگدان هەروەکو چۆن لە ناوچەکانی خۆیان بن، بەڵام ئەو هەلە تەنها بە ڕێگەیەک بەدەست دێت ئەگەر ئێستا ناوی خۆیان تۆماربکەن کە هێشتا کاتیان لەبەردەست ماوە.

كه‌ركوك، ٢٣ی نیسانی ٢٠١٩:- نوسینگه‌ی مافی مرۆڤی یونامی و سه‌ندیكای پارێزه‌رانی كه‌ركوك له‌ ٢٢ی نیسان له‌ كاژێر ١٠ تا ١ی دوای نێوه‌ڕۆ هاوبه‌شانه‌ خولێكی راهێنانیان سه‌باره‌ت به "تێگه‌یشتن له‌ مافی ده‌سته‌به‌ریی دادگاییكردنی ره‌وا" ئه‌نجامدا. له‌ خوله‌كه‌دا، ١٠ پارێزه‌ری تازه،‌ به‌ گرتنه‌خۆی ٥ ژنیشه‌وه‌، به‌شدار بوون كه‌ دواتر به‌ ئاماده‌بوونی هه‌موو به‌شداربووانیش تاوتوێیه‌كی گه‌رموگوڕ دروست بوو. راهێنانه‌كه‌ یه‌كه‌م بوو له‌و زنجیره‌ خولانه‌‌ كه‌ ئه‌مساڵ بۆ ئه‌ندامانی رێكخراوی پارێزه‌رانی كه‌ركوك دیاری كرابوو.

كه‌ركوك، عیراق، ٢٢ی نیسانی ٢٠١٩:- هۆبه‌ی كه‌ركوكی سه‌ندیكای رۆژنامه‌نووسان له‌ ٢٠ی نیساندا میوانداری كۆنفرانسێكی راگه‌یاندنی كرد سه‌باره‌ت به‌ ڕۆڵی راگه‌یاندن له‌ گه‌شه‌دان به‌ پێكه‌وه‌ژیان و ئاشتیی مه‌ده‌نی له‌نێوان پێكهاته‌ جیاوازه‌كانی كه‌ركوكدا. له‌ كۆنفرانسه‌كه‌دا رۆژنامه‌نووسان و شاره‌زایانی راگه‌یاندن و مامۆستایانی زانكۆ و رۆشنبیران به‌ نوێنه‌رایه‌تیكردنی گشت پێكهاته‌كان و به‌ره‌ی توركمانی عیراقی و سیاسه‌تمه‌دارانی یه‌كێتی نیشتمانی كوردستان ئاماده‌ بوون.

كه‌ركوك، عیراق، ١٧ی نیسانی ٢٠١٩:- نوسینگه‌ی مافی مرۆڤی یونامی پێنجه‌مین و دواترین خولی راهێنانی بۆ كارمه‌ندانی نوسینگه‌ی كه‌ركوكی كۆمیسیۆنی باڵای مافه‌كانی مرۆڤی عیراق ئه‌نجامدا. نوسینگه‌كه‌ نمایشێكی یه‌ك كاژێری سه‌باره‌ت به‌ مادده‌ی ژماره‌ ١٤ی په‌یماننامه‌ی جیهانیی مافه‌ یاسایی و مه‌ده‌نییه‌كان بۆ ده‌سته‌به‌ری جیهانیی دادگاییكردنی ره‌وا پێشكه‌ش كرد كه‌ دواتریش به‌ ئامادبوونی هه‌موو به‌شداربووان بووه‌ مایه‌ی دروستبوونی تاوتوێیه‌كی گه‌رموگوڕ.

پەڕەى 3 لەکۆى 12 پەڕەدا
© 2019 United Nations Iraq. هەموو مافەکانى پارێزراوە.