Super User

Super User

هەولێر، ٣ ى شوباتى ٢٠٢٠ – بەرنامەى نەوتەو یەکگرتووەکان بۆ پەرەپیدان هەستا بە واژۆکردنى لێکتێگەیشتنێک لەگەڵ وەزارەتى پلان دانانى حکومەتى هەرێمى کوردستاندا بەمەبەستى پێدانى ڕێنوینى ستراتیژى و پاڵپشتى تەکنیکى بەمەبەستى دارشتنى دیدگاى حکومەتى هەرێمى کوردستان بۆ ٢٠٣٠. ئەو واژۆکردنە کە ل بەروارى ٣ى شوباتى ٢٠٢٠ دا ئەنجام درا جەخت لەسەر پابەرندبوونى هەرێمى کوردستان دەکاتەوە لە دەستخستنى ئامانجەکانى پەرەسەندنى بەردەوامدا.

بەغدا، ١ی شوباتی ٢٠٢٠ :- خاتو جینین هێنیس-پلاسخارت، نوێنەری تایبەتیی سکرتێری گشتیی نەتەوە یەکگرتووەکان بۆ عێراق، دەسخۆشی لە ناوزەدکردنی سەرۆک وەزیرانی عێراق، موحەمەد تۆفیق عەلاوی، دەکات و داوای ئەنجامدانی چاکسازیی ڕاستەقینە دەکات پێش ئەنجامدانی هەر کارێک لە پێناو جێبەجێکردنی داواکارییە رەواکانی خۆپیشاندەران لە ئەنجامدانی دادوەری و لێپێچینەوە.

بەغدا، ٣٠ی کانونی دووەمی 2020- لەگەڵ بەردەوامی توندوتیژییەکان و هەڵکشانی ژمارەی قوربانیان لە میانەی ناڕەزاییەکان و بەر لە خۆپێشاندنی زیاتری پلان بۆ دانراو ، نوێنەری تایبەتی سکرتێری گشتی نەتەوە یەکگرتووەکان لە عێراق ، خاتوو جینین هێنیس-پلاسخارت داوای چڕکردنەوەی هەنگاوەکان دەکات بە مەبەستی شکاندنی بەستەڵەکی سیاسی داوای بەرەوپێش چوونی هەنگاوەکانی چاکسازییە بەردەوامەکان دەکات و هۆشدارێش دەدات لەوەی بەکارهێنانی لە ڕادەبەدەری ‌هێز قوربانی گیانیی لێدەکەوێتەوە و کۆتایش بە قەیرانەکە ناهێنێت.

بەغدا، ٢٨ی کانونی دووەمی ٢٠٢٠ – ئەمڕۆ نەتەوە یەکگرتووەکان ڕاپۆرتێکی دەربارەی دادگاییکردنەکانی داعش، کە بە گوێرەی یاسای نەهێشتنی تیرۆری عێراقی بەڕێوە چوون، بڵاو کردەوە. ڕاپۆرتەکە هەوڵە مەزنەکانی مسۆگەرکردنی لێپێچینەوە لەو کردەوە قێزەونانەی جەنگاوەرانی داعش ئەنجامی داون بەرز دەنرخێنێت و لە هەمان کاتیشدا نیگەرانی زۆر پیشان دەدات دەربارەی دادگایی کردنی ناعادیلانە کە تیایدا تۆمەتباران دەخرێنە بارێکی یەکجار ناهەموار و مەترسیدار.

به‌غدا، ٢٠ی كانونی دووه‌می ٢٠٢٠:- به‌و پێیه‌ی خۆپیشاندانه‌كانی عیراق وا پێ ده‌نێنه‌ مانگی چواره‌میان، خاتو جینین ‌هێنیس-پلاسخارت، نوێنه‌ری تایبه‌تی سكرتێری گشتی نه‌ته‌وه ‌یه‌كگرتووه‌كان بۆ عیراق، داوای ده‌ستكردنه‌وه‌ به‌ چاكسازی ده‌كات و نێگه‌رانی خۆشی سه‌باره‌ت به‌ پێشێلكارییه‌كانی مافه‌كانی مرۆڤ ده‌رده‌بڕێت له‌گه‌ڵ جه‌ختكردنه‌وه‌شی له‌سه‌ر گرنگیی هه‌نگاونانی به‌ره‌وپێش بۆ جێبه‌جێكردنی داواكارییه‌كانی خه‌ڵكی عیراق. ر استه‌ پرۆسه‌ی هه‌ستانه‌وه‌ له‌سه‌ر ئاستی ده‌وڵه‌ت و كۆمه‌ڵگادا تارادده‌یه‌ك سه‌خته‌ به‌ڵام له‌وپه‌ڕی پێویستیشدایه‌.

(بەغدا) ١٦ کانوونی دووەمی ٢٠٢٠: بەڕێز خاتوو. مارتا ڕویداس، هەماهەنگیکاری مرۆیی نەتەوە یەکگرتووەکان لە عێراق، ئەمڕۆ نیگەرانی بەهێزی دەربڕی سەبارەت بە هەڵپەساردنی پێدانی نووسراوەکانی چوونەژوورەوە بۆ هاوکارانی مرۆیی کە کاروانە زۆر گرنگەکان جێبەجێ دەکەن لە هاوکاری کردنی ئەو عێراقیانەی کە پێویستیان بە هاوکاریە.ئەم ڕێگەپێدانانە لە ماوەی پێشووتر هەر ٣٠ ڕۆژ جارێك لەلایەن حکومەتەوە درابوون. هەرچەندە، لەو کاتەوەی مانگی تشرینی دووەمی ٢٠١٩، گەیاندنەکانی کۆمەکی لە سەرانسەری عێراق بە شێوەیەکی بەرچاو هێواش بوونەتەوە، بەهۆی بەردەوام نەبوون لەسەر ڕێ و شوێنەکانی چوونەژوورەوە کە پێشووتر ڕێککەوتنیان لەسەر کرابوو، و نەبوونی میکانیزمەکانی جێگرەوە بۆ ئەمە. بۆیە تا هاوکاران ڕێگەیان پێنەدرێت دەستبەجێ دەست بە جولانەوەکانیان بکەن بەبێ ڕێگربوون لە کارمەندانیان و کۆمەکیەکانیان، ئۆپەراسیۆنە مرۆییەکان لە ناو عێراق لەوانەیە بەتەواوی ڕاوەستن لە ماوەی چەند هەفتەیەك. بە سەدان و هەزاران کەس لەسەرانسەری ئەو شوێنانەی کە زۆرترین زیانیان بەرکەوتووە بە هۆی ململانێ دووچاری بەردەوامی نەبوونی خۆراك و دەرمان و ماددەکانی وەرزی زستانە دەبنەوە لە ماوەی ئەم ساڵی مانگە ساردەکان.

پەیامی ساڵی نوێ لە نەتەوە یەکگرتووەکانەوە

بە بۆنەی ساڵی تازەی ٢٠٢٠ ، خانەوادەی نەتەوە یەکگرتووەکان جوانترین پیرۆزبایی خۆی ئاراستەی هەموو عێراقیەکان دەکات

سەلاحەدین، ٢١ی کانونی یەکەمی ٢٠١٩ – نێردەی نەتەوە یەکگرتووەکان بۆ هاریکاری عێراق بە هاریکاری لێژنەی پێکەوە ژیان و ئاشتی جڤاکی و کۆمەڵەی هیوای عێراقی لە ماوەی نێوان ١٩ تا ٢١کانونی یەکەمی ٢٠١٩ و لە چوارچێوەی پرۆژەی "گەنجانی عێراق : پێشەنگ لە گفتوگۆ و سەقامگیریی" سەکۆیکارێکیان لە پارێزگای سەلاحەدین بۆ کۆمەڵێ گەنجی عێراقی ڕێکخست.

‌هاوبەشیکار و سەرکردە بۆ بونیاتنانی ئایندەیەکی ئاشتییانەو بەردەوام بۆ عێراق

پەڕەى 8 لەکۆى 132 پەڕەدا
© 2020 United Nations Iraq. هەموو مافەکانى پارێزراوە.